პოპის დედოფალი პარიზში, კლუბ "ოლიმპიაში" 26 ივლისს გამართული კონცერტიდან, სტვენითა და პლასტმასის ბოთლების სროლით გააცილეს. მომღერლის ფანების განაწყენება შოუს მოკლე პროგრამამ გამოიწვია - მადონას მსოფლიო ტურნეს ფარგლებში გამართულ კონცერტებს შორის პარიზის კონცერტი ყველაზე ხანმოკლე - 45-წუთიანი იყო. ამასთან, მომღერალმა 15 წუთი მსოფლიოში მიმდინარე პოლიტიკურ და სოციალურ პრობლემებზე საუბარს დაუთმო და საბოლოოდ შვიდი სიმღერის შესრულებაც კი ვერ მოასწრო.

BBC-ის ცნობით, მაშინ, როცა ფანები მიხვდნენ, რომ მადონა სცენაზე აღარ დაბრუნდებოდა, სტვენა, უკმაყოფილო შეძახილები და ბოთლების სროლა დაიწყეს და გადახდილი თანხის უკან დაბრუნება მოითხოვეს.

ფანებმა კუმირის კონცერტზე მოხვედრის იმედით ბილეთების გრძელ რიგში ორი დღე გაატარეს. 2 ათასი ბილეთი, 80-200 ევროს ფარგლებში, რამდენიმე საათში გაიყიდა.

იხილეთ:

- მადონა ბერლინში კონცერტის დროს სცენაზე ატირდა

- მადონამ სტამბულში სტრიპტიზი მოაწყო