თბილისმა ბრეიქდანსის ყველაზე პრესტიჟული ჩემპიონატის Red Bull BC One -ის ამიერკავკასიის შესარჩევ ტურს უმასპინძლა.
შეჯიბრში 16-მა ბი-ბოიმ მიიღო მონაწილეობა, რომელთაგან 6 ქართველი, 5 სომეხი და 5 აზერბაიჯანელი იყო.

დაძაბული ორთაბრძოლების გამარჯვებულები Red Bull BC One-ის მოქმედმა ჩემპიონმა, ამერიკელმა Roxrite-მა, ასევე BC One-ის ვეტერანმა ჩემოპიონმა გერმანელმა ბი-ბოი AirdiT-მა და ყველაზე წარმატებულმა რუსმა ბი-ბოიმ Yan The Shrimp-მა გამოავლინეს.
ფინალურ ორთაბრძოლაში ერთმანეთს ქართველი ბი-ბოი Pioneer და აზერბაიჯანელი KillaJazz შეხვდნენ.

შესარჩევი ეტაპის გამარჯვებული აზერბაიჯანელი მოცეკვავე გახდა, რომელიც მსოფლიო ჩემპიონატის შემდეგ საკვალიფიკაციო ეტაპზე სანკტ-პეტერბურგში, ან ამსტერდამში გაემგზავრება, იქ გამარჯვების შემთხვევაში კი ბრაზილიაში Red Bull BC One 2012 -ის ფინალში გამოვა.