ნიუ იორკის სასამართლომ ბრიუს უილისისა და დემი მურის ქალიშვილს, სკაუტ უილისს საზოგადოებრივი სამუშაოს შესრულება მიუსაჯა. ოცი წლის სკაუტ უილისი ივლისის დასაწყისში ნიუ იორკის მეტროს ერთ-ერთ სადგურზე მას შემდეგ დააკავეს, რაც პოლიციელებმა შეამჩნიეს, რომ იგი ლუდს სვამდა. სკაუტმა სამართალდამცავებს ყალბი პირადობის მოწმობა წარუდგინა.

სკაუტს დანაშაულის აღიარების შემთხვევაში თავისუფლების აღკვეთა, პრობაცია ან აღრიცხვაზე აყვანა ემუქრებოდა.

გოგონას ადვოკატმა სტეისი რიჩმენმა სასამართლოს სთხოვა, გაეთვალისწინებინა საკუთარი დაცვის ქვეშ მყოფის უნივერსიტეტის "ბრწყინვალე" დახასიათება და ის გარემოება, რომ გოგონას ამ შემთხვევამდე კანონთან პრობლემები არ ჰქონია.

თავად სკაუტი სასამართლო სხდომაზე არ მისულა.

საინფორმაციო პორტალი ამბები.გე