ჟურნალმა Forbes-მა ყველაზე წარმატებული მოდელების რეიტინგი გამოაქვეყნა. 10 ყველაზე მაღალანაზღაურებად მოდელს შორის Victoria's Secret-ის "ანგელოზები" ჭარბობენ. ყველა მათგანის საერთო ჰონორარმა წლის განმავლობაში 100 მლნ დოლარს გადააჭარბა.

ტოპ-ათეულში პირველი ადგილი ბრაზილიელმა მოდელმა ჟიზელ ბუნდჰენმა დაიკავა. მისმა წლიურმა შემოსავალმა 45 მლნ დოლარს მიაღწია. ვარსკვლავი არაერთხელ მოხვედრილა ჟურნალ Vogue-ის გარეკანზე. ის თანამშრომლობს ისეთ ბრენდებთან, როგორიცაა Victoria's Secret, Versace, Esprit და Pantene.

მეორე ადგილი რეიტინგში ლეგენდარულმა ბრიტანელმა მოდელმა ქეით მოსმა დაიკავა. ის დღემდე რჩება მსოფლიოს ერთ-ერთ ყველაზე წარმატებულ მოდელად. ამ დროისთვის ქეითს კონტრაქტი აქვს გაფორმებული Longchamp-თან, Mango-სთან, Rimmel-სა და Vogue Eyewear-სთან. წელს ქეით მოსის ბიუჯეტი 9 მლნ დოლარით გაიზარდა.

მესამე ადგილი რუსმა მოდელმა ნატალია ვოდიანოვამ დაიკავა. მან წელს 8.6 მლნ დოლარი იშოვა. "შესაძლოა, ამერიკელი მკითხველებისთვის ეს სახელი ბევრს არაფერს ამბობს, მაგრამ ნატალია საკმაოდ წარმატებულია" - წერს ჟურნალი Forbes-ი. ნატალია ვოდიანოვა Guerlain-თან, Calvin Klein-სა და Etam-თან თანამშრომლობს.

საინფორმაციო პორტალი ამბები.გე