ჰოლივუდის მსახიობმა რობინ უილიამსმა The Comedy Awards-ის მეორე ყოველწლიურ ცერემონიალზე ნომინაციაში Stand-Up Icon პრესტიჟული ჯილდო მოიპოვა. ამ ჯილდოს გადასცემენ მათ, ვინც ჟანრის განვითარებაში გამორჩეული წვლილი შეიტანეს, იუმორის სამყარო შეცვალეს და სასცენო ვარსკვლავების მომავალი თაობისთვის შთაგონების წყაროდ იქცნენ. წინა ცერემონიალის ლაურეატი ედი მერფი გახდა.

"რობინ უილიამსს ბუნებრივი კომედიური ძალა აქვს. იგი მისმა ფეთქებადმა ენერგიამ და სპონტანურმა "სტენდაფ-სტილმა" სუპერვარსკვლავად აქცია", - ამბობს პრემია The Comedy Awards-ის აღმასრულებელი პროდიუსერი კეისი პატერსონი.

ეს უილიამსისთვის პირველი საპატიო ჯილდო არ არის. მსახიობი "ოსკარის" მფლობელია. იგი რამდენჯერმე პრემია "გრემის" ლაურეატიც იყო. საკუთარი კარიერა მან "სტენდაფ-კომიკოსად" დაიწყო და ამერიკელ მაყურებლებს ართობდა.

საინფორმაციო პორტალი ამბები.გე