ობამას ყოფილი საყვარელი ჟენევიევა კუკი აშშ-ის პრეზიდენტთან გატარებულ ღამეებს იხსენებს. მაშინ ობამა 20 წლის იყო. "ის ცივი და სასტიკი იყო ცხოვრებაში, თუმცა ნაზი და მომთმენი საწოლში", - ამბობს ავსტრალიელი დიპლომატის ქალიშვილი ჟენევიევა.

ჟენევიევა კუკის პირადი ჩანაწერები ამერიკულმა ჟურნალმა Vanity Fair-მა გამოაქვეყნა. ისინი მწერალ დევიდ მარანისის წიგნ "ბარაკ ობამა: ისტორიაში" შევიდა.

გოგონამ აშშ-ის მომავალი პრეზიდენტი ბარაკ ობამა 1983 წელს ნიუ იორკში საშობაო წვეულებაზე გაიცნო. იმ დროს ობამა მანჰეტენზე მოკრძალებულ ბინაში ხელმომჭირნედ ცხოვრობდა.

ჟენევიევა იხსენებს, რომ "კვირაობით ობამა უსაქმურობდა, შიშველი ტორსით ბოლთას სცემდა. მხოლოდ ინდონეზიური სამოსი - სარონგი ეცვა. ყავას სვამდა და New York Times-ის კროსვორდებს ავსებდა. ერთად განვიხილავდით წაკითხულ წიგნებს და ერთად ვამზადებდით მის საყვარელ სენდვიჩს, თინუსითა და კამით, რომელსაც მას ბავშვობაში ბებია უკეთებდა".

თავად ობამა დიპლომატის ქალიშვილთან რომანს არ უარყოფს. ობამა არ მალავს, რომ ქალების მოყვარული იყო, თუმცა ყველაფერი 1989 წელს შეიცვალა, როდესაც მომავალ მეუღლეს - მიშელს შეხვდა. წყვილმა 1991 წელს იქორწინა.

საინფორმაციო პორტალი ამბები.გე