17:03 / 27-04-2012
დნეპროპეტროვსკში ტერაქტებისას საქართველოს მოქალაქეების დაშავების შესახებ საელჩო ინფორმაციას არ ფლობს
ამ ვიდეოს სანახავად თქვენ უნდა ჩამოტვირთოთ Flash Player-ის ბოლო ვერსია.
როგორც "პალიტრა ტვ-ს" უკრაინაში საქართველოს ელჩის მრჩეველმა განუცხადა, საელჩოს მთელი პერსონალი ცდილობს დაადგინოს, დნეპროპეტროვსკში მომხდარი ტერაქტების შედეგად დაშავდნენ თუ არა საქართველოს მოქალაქეები.
საელჩოს აღნიშნულ საკითხზე სრული ინფორმაცია უკრაინის ჯანდაცვის სამინიტროდან დაახლეობით ერთ საათში ექნება. საელჩოს თანამშრომლები დამოუკიდებლადაც უკავშირდებიან დნეპროპეტროვსკის საავადმყოფოებს, სადაც, შესაძლოა, დაშავებულები იყვნენ.
უკრაინის ქალაქ დნეპროპეტროვსკში, დღეს ერთდროულად რამდენიმე აფეთქება მოხდა. მძიმედ დაშავდა 30-მდე ადამიანი.
ამასთან, დნეპროპეტროვსკის ქუჩებში ჯავშანტრანსპორტიორები გამოჩნდნენ. როგორც უკრაინული მედია წერს, ადგილობრივი სამართალდამცველები ჩხრეკენ ყველა მოქალაქეს, რომელსაც აქვს ზურგჩანთა, ხელჩანთა ან უჭირავს რაიმე პაკეტი.
ხელისუფლება მოსახლეობას მეტროსადგურებში ჩასვლისა და მეტროპოლიტენით მგზავრიბისგან თავის შეკავებას ურჩევს.
იხილეთ: დნეპროპეტროვსკში ტერაქტების შედეგად 30-მდე ადამიანი დაშავდა
