წლევანდელი უიმბლდონის ფინალში გასვლით ენდი მიურეიმ ბრიტანული ჩოგბურთისთვის ისტორიული შედეგი დააფიქსირა - 1938 წლის შემდეგ ადგილობრივ მოთამაშეს არ ჰქონდა ნათამაშები გადამწყვეტ მატჩში.

მესამე სეტი ახალი დაწყებული იყო, როცა ლონდონში გაწვიმდა და ორგანიზატორებს კორტის გადახურვა მოუწიათ. დახურულ არენაზე გამოიკვეთა ფედერერის უპირატესობა. პაუზის შემდეგ მან, პრაქტიკულად, უშეცდომოდ დაიწყო თამაში და მიურეის სულ უფრო და უფრო უჭირდა შვეიცარიელის ზეწოლასთან გამკლავება.

გადამწყვეტი აღმოჩნდა მეექვსე გეიმი, რომელიც 20 (!) წუთი გაგრძელდა. ფედერერმა ვერ შეძლო ხუთი ბრეიკ-პოინტის გამოყენება, მაგრამ მეექვსე ცდაზე შვეიცარიელი მიღებისთანავე შეტევაზე გადავიდა და მიურეის შეცდომა დააშვებინა. ამის შემდეგ როჯერს ისღა დარჩენოდა, შეენარჩუნებინა თავისი მოწოდება, რაც წარმატებით გააკეთა - 6:3.

დაძაბული თამაშის საბოლოო ანგარიში დაფიქსირდა - 4:6, 7:5, 6:3, 6:4.

ამ მოგებით როჯერი გაუთანაბრდა პიტ სამპრასს ორი მაჩვენებლით: მათ ახლა შვიდ-შვიდი მოგება აქვთ უიმბლდონზე. გარდა ამისა, ამ მოგებამ ფედერერს რეიტინგში პირველი ადგილი მოუტანა. შესაბამისად, მომდევნო კვირა 286-ე იქნება მისთვის ლიდერის რანგში, რაც სამპრასის ყველა დროის რეკორდის გამეორებაა.

www.sportall.ge