15:51 / 30-06-2012
დიდი სიურპრიზი - თბილისი 2015 წლის უეფას სუპერთასის მასპინძელი [პრომო ვიდეო]
ამ ვიდეოს სანახავად თქვენ უნდა ჩამოტვირთოთ Flash Player-ის ბოლო ვერსია.
სუპერთასის მასპინძლობის საკითხზე უეფა-ს წარმომადგენლებთან მოლაპარაკებები წელიწადნახევარზე მეტხანს მიმდინარეობდა. ევროტურნირების საუკეთესო გუნდების მატჩის მასპინძლობა არაერთ ევროპულ ქალაქს სურდა, თუმცა საბოლოოდ თბილისზე შეჩერდა არჩევანი.
წინასწარი გეგმის მიხედვით, ევროპის ჩემპიონთა ლიგისა და ევროპის ლიგის გამარჯვებულების მატჩი და გრანდიოზული გალა-დაჯილდოება 2015 წლის 12 აგვისტოს გაიმართება.
გუნდები თბილისში ერთი კვირით ადრე ჩამოვლენ და შეხვედრისთვის მომზადების პარალელურად სპეციალურად მათთვის დაგეგმილ სხვადასხვა სახის ღონისძიებაში მიიღებენ მონაწილეობას.
