80 ადამიანზე მეტი დაიღუპა ავღანეთში მიწისძვრით გამოწვეული მეწყერის შედეგად. ბაგლანის პროვინციაში 5,4-5,7 მაგნიტუდის სიმძლავრის მიწისძვრა დაფიქსირდა. ადგილობრივი ხელისუფლების მონაცემებით, 20-ზე მეტი სახლი მიწისქვეშაა მოყოლილი. ბულდოზერებისა და სხვა მძიმე ტექნიკის უქონლობის გამო სამაშველო სამუშაოები ნელა მიმდინარეობს. 20-ამდე დაშავებული ადგილობრივ საავადმყოფოშია გადაყვანილი, მათი უმრავლესობა ბავშვია. დაღუპულებსა და დაშავებულებს შორის ბევრია ქალი და ბავშვი, რადგან მიწისძვრის დროს მამაკაცების უმრავლესობა სასოფლო-სამეურნეო სამუშაოებზე იყო წასული. სტიქიით დაზარალებულ პროვინციას აშშ დახმარებას დაპირდა.

მომზადებულია euronews.net-ის მიხედვით