საქართველოში დღეს დილით მიწისძვრა მოხდა. როგორც "პალიტრა ტვ"-ს ილიას უნივერსიტეტის სეისმოლოგიური მონიტორინგის ცენტრში განუცხადეს, მიწისძვრა 08:40 წუთზე დაფიქსირდა და მიწისქვეშა ბიძგების სიმძლავრემ 5.7 მაგნიტუდა შეადგინა.

მიწისძვრის ეპიცენტრი აზერბაიჯანი-საქართველოს საზღვრიდან 25 კმ-ში დაფიქსირდა. მიწისქვეშა ბიძგები დედაქალაქშიც საკმაოდ იგრძნობოდა.

სეისმოლოგების ცნობით, ასეთი სიმძლავრის მიწისძვრას შეუძლია, ძველი და ამორტიზებული შენობების ნგრევა გამოიწვიოს, თუმცა ამ დრომდე საქართველოში ნგრევის ან სხვა რაიმე ზარალის შესახებ ინფორმაცია არ გავრცელებულა.