სანაპირო ზოლი და საცურაო აუზი - აქ ხშირად მთელი წლის მანძილზე ტანსაცმლის ქვეშ დამალული დეტალების დემონსტრირება ხდება. სხეულის გასალამაზებლად ადამიანები ტატუსაც იხატავენ. დღეისთვის მხატვრობის ეს პოპულარული სტილი მასკულტურის ერთ-ერთი გავრცელებული ელემენტია და მას ყველასთვის თავისებური მნიშვნელობა აქვს.

საბჭოთა კავშირში ე.წ. ქურდული მენტალიტეტის მიმდევართა სხეულზე გაკეთებული ტატუს მიხედვით იმის გარკვევა შეიძლებოდა, თუ რა ადგილი ეკავა მას დამნაშავეთა სამყაროში. მათი გავლენით, თავიდან ციხეში ტუშით შესრულებულმა ლურჯმა ტატუმ მთელ მოსახლეობაში მოიკიდა ფეხი და გარკვეული სტერეოტიპის ჩამოყალიბებასაც შეუწყო ხელი.

ტატუირების დროს მნიშვნელოვანია, რამდენად დაცულია უსაფრთხოების ნორმები. ყველა ინსტრუმენტი, რომელიც ტატუს კეთების დროს გამოიყენება, ერთჯერადი და სტერილური უნდა იყოს.

სახელწოდება "ტატუ" პოლინეზიის კუნძულზე არსებული დიალექტს უკავშირდება, სადაც "ტა" ნახატს ნიშნავს, ხოლო "ატუ" - სულს. სწორედ ამიტომ, სანამ ტატუს ჯერ თქვენს სულს, შემდეგ კი სხეულს სამუდამოდ დაუკავშირებთ, კარგად დაფიქრდით და საქმე მხოლოდ პროფესიონალებს მიანდეთ.