ჟურნალისტი მარინა სალუქვაძე და მისი მეუღლე, მუსიკოსი ზაზა მარჯანიშვილი ეგვიპტელ ბიზნესმენებს თაღლითობაში ადანაშაულებენ.

სალუქვაძის თქმით, ეგვიპტელმა ბიზნესმენებმა - ჰაბიბების ოჯახმა, ბიზნესის ასაწყობად მათი ინტელექტუალური რესურსი გამოიყენეს და შემდეგ დაითხოვეს.

მარჯანიშვილისა და სალუქვაძის ინტერესების დამცველის, დიმიტრი გაბუნიას თქმით, პროკურატურაში ეგვიპტელების წინააღმდეგ სარჩელს შეიტანენ. მისი განცხადებით, ეგვიპტელი ბიზნესმენების ქმედება არის თაღლითობა, რადგან მათ გამოიყენეს სხვისი საკუთრება, ამ შემთხვევაში ინტელექტუალური რესურსი.

ამასთან, ეგვიპტელები თავს იკავებდნენ ქართველ პარტნიორებთან იურიდიული ვალდებულების აღებაზე და აჭიანურებდნენ კონტრაქტის გაფორმებას. შესაბამისად, საქმეში არ არსებობს იურიდიული დოკუმენტები და აქედან გამომდინარე, გადაწყდა, რომ პროკურატურაში საჩივარი სისხლის სამართლის საქმის აღძვრის მოთხოვნით შევიდეს.

ასევე იხილეთ: "ეგვიპტელებო გვაკოცეთ ..." - ლალი მოროშკინას უხამსი წარწერა