15:40 / 15-06-2012
ბინათმშენებლობებით დაზარალებულებმა თბილისის მერიასთან აქცია გამართეს
ამ ვიდეოს სანახავად თქვენ უნდა ჩამოტვირთოთ Flash Player-ის ბოლო ვერსია.
თბილისის მერიის შენობასთან 90-იან წლებში კოოპერატიული ბინათმშენებლობებით დაზარალებულებმა "ქრისტიან-დემოკრატ" ჯაბა სამუშიასთან ერთად აქცია-ბრიფინგი გამართეს, რომელშიც 30-ამდე დაზარალებული მონაწილეობდა.
მოქალაქეები აცხადებდნენ, რომ ისინი ხელისუფლებისგან არაერთხელ დარჩნენ მოტყუებულნი. ორი წლის წინ თბილისის მერია მათ დაპირდა, რომ კომპენსაციის სახით მიწის ნაკვეთებს გადასცემდა, თუმცა ეს მხოლოდ წინასაარჩევნო დაპირება აღმოჩნდა.
როგორც ბინათმშენებლობით დაზარალებულებმა აღნიშნეს, შედგა სიები. დაახლოებით 1050-ამდე ოჯახი ითხოვდა მიწის ნაკვეთის მიღებას, რაც მხოლოდ მცირე ნაწილმა მიიღო. შემდეგ კი ეს პროცესი შეჩერდა.
"ქრისტიან-დემოკრატები" თბილისის მერიისგან ითხოვენ, დაიწყოს დიალოგი დაზარალებულებთან და გადასცეს მათ კომპენსაციები მიწის ნაკვეთების ან ფართების დამტკიცების სახით.
