19:33 / 25-05-2012
"პალიტრა L"-მა "ვეფხისტყაოსნის 3D გამოცემის პრეზენტაცია გამართა
ამ ვიდეოს სანახავად თქვენ უნდა ჩამოტვირთოთ Flash Player-ის ბოლო ვერსია.
პრეზენტაციას წიგნის შემქმნელებიც ესწრებოდნენ. როგორც წიგნის იდეის, შემეცნებითი და ადაპტირებული ტექსტების ავტორმა, პროფესორმა რამაზ ჭილაიამ განაცხადა, ამ ფორმის გამოცემა საუკეთესო საშუალებაა, რომ ბავშვმა წიგნთან მისვლა ადრეული ასაკიდან დაიწყოს.
პროექტის მენეჯერი, წიგნის კონსტრუქტორი და დიზაინერი დაჩი გრძელიშვილი კი აღნიშნავს, რომ ამ წიგნის მეშვეობით მკითხველი "ვეფხისტყაოსნის" შესახებ ბევრ რამეს შეიტყობს.
"ეს არის პირველი ქართული სამგანზომილებიანი პროდუქტი, ინტერაქტიულია და არის უამრავი საინტერესო ჩანართი. არის მოცულობითი ქაჯეთის ციხე, ავთანდილის ანდერძი და ბევრი საინტერესო რამ", - აღნიშნა დაჩი გრძელიშვილმა.
"ვეფხისტყაოსნის" სამგანზომილებიან გამოცემაზე, თბილისის წიგნის ფესტივალზე, "პალიტრა L"-ის მთავარ სტენდზე - "ექსპო-ჯორჯიას" მე-6 პავილიონში, ფასდაკლება მოქმედებს. მისი გაცვლა მსურველებს პროექტ "მაკულიტერატურის"ფარგლებში 100 კილოგრამ მაკულატურაზეც შეუძლიათ.
