სექსუალური უმცირესობების უფლებების დამცველთა საპროტესტო აქცია პარლამენტის წინ მოქალაქეებსა და აქციის მონაწილეებს შორის სიტყვიერი დაპირისპირებით დასრულდა.

როგორც აქციის მონაწილეებმა განაცხადეს, მათი პროტესტი დიპლომატიური კორპუსის მხარდაჭერით მიმდინარეობდა.

აქციის მონაწილეებთან შეხლა-შემოხლისთვის პოლიციამ ორი ახალგაზრდა დააკავა. სამართალდამცველებმა მოქალაქეები მოგვიანებით გაათავისუფლეს.

,,შორს შენი რელიგიური ხელები ჩემი წმინდა სხეულისგან!", ,,ღმერთი სიძულვილის წინააღმდეგ!", ,,ვგმობთ რელიგიური ექსტრემიზმს!"-ამ ლოზუნგებით აქციის მონაწილეები მათსა და მართლმადიდებელ მშობელთა კავშირის წარმომადგენლებს შორის დაპირისპირებას გამოეხმაურნენ.

აქციამ გამზირზე გამვლელთა ნაწილის გაღიზიანება გამოიწვია. მათი აზრით, მსგავსი აქციები უზნეობის პროპაგანდას და მნიშვნელოვანი პრობლემების სხვა თემებით გადაფარვას ემსახურება.

სექსუალური უმცირესობების უფლებადამცველები აცხადებენ, რომ მშვიდობიან აქციაზე ძალადობას პოლიციის ადეკვატური რეაგირება არ მოჰყოლია.

garbonline.tv-ს ვიდეომასალა