დამოუკიდებელ ექსპერტთა კლუბმა სახელმწიფო უსაფრთხოებისა და ადამიანის უფლებათა დაცვის საკითხებზე სახელმძღვანელო მოამზადა.

"საქართველოს დემოკრატიზაციის გზამკვლევის" პრეზენტაცია დღეს სასტუმრო "ქორთიარდ მარიოტში" გაიმართა. ღონისძიებას ექსპერტები, პოლიტიკოსები და არასამთავრობო ორგანიზაციების წარმომადგენლები ესწრებოდნენ.

როგორც წიგნის ერთ-ერთმა ავტორმა, ექსპერტმა სოსო ცისკარიშვილმა ჟურნალისტებს განუცხადა, აღნიშნული სახელმძღვანელო სტატიათა კრებულია, რომელიც ექსპერტთა კლუბის პროექტის - "საქართველოს დემოკრატიზაციის გზამკვლევის" შემადგენელ კომპონენტს წარმოადგენს.

კრებულში თავმოყრილია სხვადასხვა ეპოქის, ეროვნების, სარწმუნოების, პროფესიის, ისტორიულ პიროვნებათა და გამოჩენილ ადამიანთა შეხედულებები დემოკრატიაზე.

"საქართველოს დემოკრატიზაციის გზამკვლევი" საერთაშორისო საქველმოქმედო ფონდი "ქართუს" დაფინანსებით გამოიცა.