თბილისში, ვაჟა-ფშაველას გამზირის მეხუთე კვარტლის მიმდებარე ტერიტორიიდან სამოქალაქო ტანსაცმელში ჩაცმულმა პირებმა ბერა ივანიშვილის სტუდია "Georgian dreams studio"-ს წევრის, "რუსთავი2"-ის გასართობი გადაცემების ყოფილი თანამშრომლის, ლევან გოგორელიანის ძმა ლაშა გოგორელიანი, რომელიც ამავე სტუდიის წევრია გაურკვეველი მიმართულებით წაიყვანეს. ამის შესახებ ინფორმაცია "პალიტრა ტვ-ს" ლევან გოგერელიანმა დაუდასტურა.

მისი თქმით, ლაშა გოგორელიანი საცხოვრებელ სახლთან მანქანაში იმყოფებოდა, როდესაც ექვს მანქანაში მყოფი, სამოქალაქო ფორმაში ჩაცმული პირები მივიდნენ და მისი ძმა გაიტაცეს.

"ჩემმა ძმამ პოლიცია არც იცის, რა არის. მთელი ცხოვრება წესიერი ცხოვრებით ცხოვრობს. წარმოდგენა არ მაქვს, რა გახდა ლაშას დაკავების მიზეზი. მითხრეს, რომ 6 მანქანა მოვარდა და წაიყვანეს", - აღნიშნა ლევან გოგორელიანმა.

ტელეკომპანია "რუსთავი2"-ის გასართობი შოუების მსახიობები თემო მჟავია, ამიკო ჩოხარაძე და ლევან გოგორელიანი, იგივე "ფაქო" "Georgian dreams studio"-ში დაახლოებით ორი კვირის წინ გადავიდნენ.

იხილეთ: დაკავებულ ლაშა გოგორელიანს ნარკოლოგიური შემოწმება უტარდება