პარლამენტის იურიდიულ საკითხთა კომიტეტში საჭირბოროტო საკითხის სახალისო განხილვა მიმდინარეობს. ადმინისტრაციულ სამართალდარღვევათა კოდექსში შედის ცვლილება, რომლის თანახმადაც, ბავშვთა ტანსაცმლისა და სათამაშოების მაღაზიებში "სექსუალური ხასიათის პროდუქციის" გაყიდვა 100-ლარიან ჯარიმას გამოიწვევს. სკოლებში, 18 წლამდე ასაკის პირთათვის განკუთვნილ დაწესებულება-ორგანიზაციებში, ასევე, მათი კუთვნილი ტერიტორიებიდან 50 მეტრის დაშორებით სექსუალური ხასიათის პროდუქციის რეალიზაცია კი 50-ლარიანი ჯარიმით დაისჯება. პროდუქციის 18 წლამდე ასაკის პირისთვის მიყიდვა ასევე 100 ლარით დაჯარიმდება.

კომიტეტის სხდომაზე განიხილავენ, რა პროდუქცია შეიძლება იყოს სექსუალური ხასიათის და რა არა.