გამოცდების ეროვნული ცენტრის ახალმა ხელმძღვანელმა კადრების შერჩევა უკვე დაიწყო. როგორც ცენტრის ახალმა ხელმძღვანელმა ხატია დეკანოიძემ ჟურნალისტებს თანამშრომლებთან შეხვედრის შემდეგ განუცხადა, სამსახურიდან წასული კადრების ჩანაცვლების პროცესი დაწყებულია. რაც შეეხება იმ თანამშრომლებს, რომლებმაც სამსახურიდან წასვლის შესახებ განაცხადეს, ხატია დეკანოიძე აცხადებს, რომ მათი მომავალი გადაწყვეტილებები არ აინტერესებს.

"ეს არის თავისუფალი ქვეყანა. ვისაც სურს, შეუძლია დარჩეს, ვისაც არა - წავიდეს, მათი მოთხოვნა იქნება დაკმაყოფილებული. საქართველოს კანონმდებლობა მავალდებულებს, რომ კანონის ფარგლებში ვიმოქმედო... ვინც სამსახურის დატოვების შესახებ საბოლოო გადაწყვეტილება მიიღო, ის ადამიანები პროფესიონალი კადრებით ჩანაცვლდებიან. ამაში განსაკუთრებული ტრაგიზმი არა არის და ამ თემის პოლიტიზირება უმართებულოა ", - განაცხადა ხატია დეკანოიძემ.

გამოცდების ეროვნული ცენტრის ახალი დირექტორი ცენტრში 13:00 საათისთვის მივიდა. ხატია დეკანოიძემ პრესასთან კომენტარი თანამშრომლებთან შეხვედრის შემდეგ გააკეთა.

პოლიციის აკადემიის უკვე ყოფილი რექტორი ხატია დეკანოიძე განათლების ეროვნული ცენტრის დირექტორად განათლების მინისტრმა დიმიტრი შაშკინმა განათლების სამინისტროში წარადგინა.

იხილეთ:

გამოცდების ეროვნული ცენტრის ხელმძღვანელად პოლიციის აკადემიის რექტორი ხატია დეკანოიძე დაინიშნა

გამოცდების ეროვნული ცენტრი 60-მა თანამშრომელმა დატოვა