ბათუმში "ქართული ოცნების" წევრებმა საკაბელო ტელევიზია "ერასთან" აქცია გამართეს მოთხოვნით - "ჩართე სიმართლე". აქციის მონაწილეებმა საკაბელო ტელევიზიას სამაუწყებლო ქსელში ტელეკომპანიების: "მეცხრე არხის", მაესტროს" და "კავკასიის" ჩართვა მოითხოვეს. როგორც "პალიტრა ტვ"-სთან "ქართული ოცნების" წარმომადგენელმა სულხან ღლონტმა განაცხადა, მოქალაქეებს საშუალება უნდა ჰქონდეთ, მიიღონ ობიექტური ინფორმაცია.

"ჩვენი ინფორმაციით, საკაბელო ტელევიზია "ერას" აკონტროლებს ხელისუფლება. განვაცხადეთ პრეტენზია საკაბელო ტელევიზიის მიმართ. მოთხოვნა არის საფუძვლიანი და ტექნიკურად ადვილად შესასრულებელი. ჩვენ, აბონენტები, ვითხოვთ, მოგვეცეს საშუალება ვუყუროთ ყველა ქართულ არხს", - აღნიშნა სულხან ღლონტმა.