რამდენიმე დღის წინ დამპყრობლის ახალმა ძველმა უფროსმა გენერალური ბრძოლის ახალი დრო და ადგილი დაგვინიშნა – შემოდგომის საპარლამენტო არჩევნები, - ამის შესახებ საქართველოს პრეზიდენტმა მიხეილ სააკაშვილმა, თელავის განვითარების პროექტის პრეზენტაციაზე განაცხადა.

მისივე  თქმით, როგორც ბლოკადა და ომი ვერ მოუგო რუსეთმა საქართველოს, ისე დემოკრატიულ ბრძოლას ვერ მოუგებს.

"რაც მთავარია, ომს გავუძელით. რომელ ქვეყანაში შეიჭრა რუსეთი საბჭოთა კავშირიდან და არ ჩამოაგდო მთავრობა, არ გადაუარა, არ ჩატკეპნა მიწაში და არ გატეხა ხერხემალში ის ქვეყანა. საქართველო კი მაინც ამაყად დგას და აფრიალებს თავის დროშას. მათ იციან, რომ საქართველოსთან ვერ გაიმარჯვეს. ჩვენი საბოლოო გამარჯვება კი მათი ჯარებისგან გათავისუფლება იქნება. პუტინს კი, პაემანი რომ დაგვითქვა ოთხი დღის წინ, შემოდგომაზე შევხვდებით, მათ შორის -  განახლებული კახეთის ქუჩებში",- აღნიშნა მიხეილ სააკაშვილმა.