პოლიტიკური გაერთიანება "სალომე ზურაბიშვილი – საქართველოს გზის" წარმომადგენლები მიიჩნევენ, რომ ხელისუფლებას ალტერნატიული, ძლიერი პოლიტიკური ცენტრის შექმნის ეშინია. როგორც დღეს გამართულ პრესკონფერენციაზე პარტიის საერთაშორისო მდივანმა, თეიმურაზ მურვანიძემ განაცხადა, ხელისუფლება საკუთარი ძალაუფლების შენარჩუნების მიზნით ყველანაირ თაღლითობას სჩადის, რათა როგორმე მოიპოვონ გარანტიები არჩევნების კიდევ ერთხელ გასაყალბებლად.

მურვანიძის განცხადებით, მმართველი გუნდის არაკონსტიტუციურმა, უკანონო ქმედებებმა, საერთაშორისო თანამეგობრობაც აღაშფოთა, რისი დასტურიც არის საქართველოში მოქმედი დიპლომატიური მისიების წარმომადგენლების განცხადებები.