20:49 / 04-05-2012
ჟურნალ "ლიტერატურული პალიტრის" წიგნების სერიიდან "ახალი ქართული ლიტერატურის" XIII ტომის პრეზენტაცია გაიმართა
ამ ვიდეოს სანახავად თქვენ უნდა ჩამოტვირთოთ Flash Player-ის ბოლო ვერსია.
წიგნის სახელწოდებაა "გემების ჩრდილქვეშ" და მასში შესულია მწერალ რეზო თაბუკაშვილის რჩეული მოთხრობები.
როგორც ავტორი ამბობს, წიგნში დაბეჭდილი ნაწარმოებები სხვადასხვა დროს გამოქვეყნებული მოთხრობებია.
რეზო თაბუკაშვილის განცხადებით, პროექტი ძალიან საინტერესო და საჭიროა, რადგან მკითხველსა და წიგნს შორის კავშირი გარკვეულწილად გაწყვეტილია.
პროექტის ავტორის, ბესო ხვედელიძის განცხადებით, ეროვნული ბიბლიოთეკის წარმომადგენელთა ინიციატივით, ყოველი ახალი ტომის პრეზენტაცია ეროვნულ ბიბლიოთეკაში მოხდება. მისივე თქმით, ჟურნალ "ლიტერატურულ პალიტრასთან" ერთად ახალი ქართული ლიტერატურის წიგნების სერია გასული წლის მაისიდან თვეში ერთხელ გამოდის. დაგეგმილია 20 ტომის გამოცემა. აღნიშნული პროექტი დეკემბერში დასრულდება.
