თბილისის საქალაქო სასამართლომ "ქართული ოცნების" დაკავებულ წევრებს აღმკვეთ ღონისძიებად ორთვიანი პატიმრობა მიუსაჯა. "ქართული ოცნების" წევრები: "კონსერვატიული პარტიის" აღმასრულებელი მდივანი მერაბ კაჭახიძე, "ეროვნული ფორუმის" აქტივისტები ტარიელ ქარდავა და თეიმურაზ შეყლაშვილი 16 ივლისს დააკავეს. მათ ბრალი თვალთმაქცური გარიგების დადების მუხლით წარედგინათ.

როგორც პროცესის შემდეგ ადვოკატმა ლადო მაჭარაშვილმა ჟურნალისტებს განუცხადა, პროკურორმა სასამართლოზე მყარი არგუმენტები ვერ წარადგინა, თუმცა, მიუხედავად ამისა, მოსამართლემ "ქართული ოცნების" წევრებს პატიმრობა მაინც შეუფარდა. დაცვის მხარემ დაკავებულების გათავისუფლება მოითხოვა, თუმცა ბრალდების მხარემ განაცხადა, რომ კაჭახიძის, ქარდავასა და შეყლაშვილის გათავისუფლება გამოძიებას ხელს შეუშლიდა.

ბრალდებულების ადვოკატები სასამართლო გადაწყვეტილებას სააპელაციო წესით გაასაჩივრებენ.

იხილეთ:

- "ქართული ოცნების" წევრი მერაბ კაჭახიძე და "ეროვნული ფორუმის" წევრები დააკავეს

- შსს "ქართული ოცნების" წევრების დაკავების შესახებ ოპერატიულ მასალას ავრცელებს