15:47 / 07-05-2012
"ბანკი ქართუ" ჩამორთმეული ქონების დაბრუნებას და ზარალის ანაზღაურებას ითხოვს
ამ ვიდეოს სანახავად თქვენ უნდა ჩამოტვირთოთ Flash Player-ის ბოლო ვერსია.
"ქართუ ბანკის" ხელმძღვანელობის განცხადება ჯავახიშვილმა ჟურნალისტებს დღეს, "ინტერპრესნიუსში" გამართულ პრესკონფერენციაზე გააცნო. ჯავახიშვილის თქმით, მიმდინარე წლის 20 აპრილს ქვეყნის პრეზიდენტმა ხელი მოაწერა კანონს, რითაც სააღსრულებლო და საგადასახადო კანონმდებლობაში გასული წლის ოქტომბერში შეტანილი სკანდალურად გახმაურებული ცვლილებები გაუქმდა. შესაბამისად, კანონს უკუძალა უნდა მიეცეს.
გასული წლის შემოდგომაზე, საქართველოს ხელისუფლების გადაწყვეტილებით, ბანკში კრედიტორების მოთხოვნათა რიგითობის რეგულაცია შეიცვალა. ცვლილებები "სააღსრულებლო წარმოების შესახებ" კანონში და "საგადასახადო კოდექსში" შევიდა. თუმცა მიმდინარე წელს კრედიტორების მოთხოვნათა რიგითობის რეგულაცია ძველ რედაქციას, 2011 წლის ნოემბრამდე არსებულ ნორმას დაუბრუნდა, რის მიზეზადაც ამჯერად მთავრობასა და ბიზნესსექტორს შორის თანამშრომლობის ფარგლებში გამოთქმული მოსაზრებები და შენიშვნები დასახელდა.
